BUYUK SALOHIYAT SOHIBI

Suron solib, davrlar o‘tadi, inson umri ham bir lahzalik va bu lahza nuri ham tez so‘nadi, ammo o‘zini hurmat qilib, el uchun yashagan inson dan saodatli nom, tilga olsa arzigulik ishlar qoladi. Sohibqiron Amir Temur tarix sahnasining eng yuqori joyidan munosib o‘rin egallagan dongdor shaxs sifatida e’zozlanadi. U serqirra faoliyat yuritdi, harbiy ishlari esa hayotining bir qirrasi, xolos. Dunyoda adolat o‘rnatish, ilm-fan, me’morchilik, adabiyot, san’at, tarix va boshqa yana o‘nlab sohalarda amalga oshirgan saodatli, unutilmas ishlari ham borki, ularning har biri sizga a’mak bo‘lardi darajada arzili voqealardir. Xo‘sh, ana shunday nomdor hukmdor, buyuk bunyodkor, ilm-fan homiysi o‘z xalqining ulug‘ otasi bolaligida qanday tarbiya topgan, qay xislatlarga ega bo‘lgan? Umrining oxirigacha imonini, o‘zligini saqlab yurgani-yu, saltanat hukmdori sifatida hukm surganining sabablari nimada?! Ushbu kitobchada ulug‘ bobongiz hayotining ayrim qirralari sizlar uchun sodda tilda hikoya qilingan. Ularni o‘qib, o‘zingizga kerakli xulosalar chiqarib, eng muhimi, odamiylik birinchi o‘rinda ekanligini anglab olasiz, degan umiddamiz.