DAHSHAT

O‘zbekistonda xizmat ko‘rsatgan jurnalist, iqtidorli shoir va yozuvchi Murod Kalonxonning mazkur kitobidan o‘rin olgan “Dahshat” qissasi o‘tgan asrning saksoninchi yillarida sobiq Sho‘ro hukumati hukmdorlarining “Poklik desanti” nomi bilan yurtimizga yuborgan vahshiy, talonchi guruhi tomonidan sun’iy ravishda o‘ylab topilgan “Paxta ishi” niqobi ostida xalqimiz boshiga solingan azob-uqubatlar o‘ziga xos uslubda ishonarli tarzda hikoya qilingan. Qissani o‘qigan kishi ko‘z o‘ngida istibdod davridagi ayanchli hayot butun borlig‘icha namoyon bo‘lib, hurlik sharofati bilan xalqimizga nasib etgan bugungi farovon turmush uchun shukronalar etadi. Kitobdagi boshqa qissalarning qahramonlari duchor bo‘lgan ko‘rgiliklar ham dahshatdan xoli emas. Asarlar biri biridan chigal voqealarga boy, ta’sirchan. O‘quvchini hayotning ravon bo‘lmagan yo‘llaridan og‘ishmay, qoqilmay o‘tishi haqida o‘ylantiradi.