Diyori baqr

Matbuotgagina emas, hayotning har bir ko‘chasiga kirib yurguvchi va aksar o‘z so‘zini o‘tkazuvchi “tanqid” otlik shapan-namo bir maxluq bor. Bu maxluqning xoliqi hayotning o‘zi va lekin otasiga yo‘lboshchilik qiladir. Chunki hayotning uzoq muddatlik tajribalari va aksar xatolari ana shu o‘z so‘zlik, achchiq tillik nafsoniyat, g‘araz va shaxsiyat og‘riq-laridan toza “tanqid” mahdumini tug‘dirg‘andir. Hayotni yangidan-yangi muvaffa-qiyatlarga sudrayguchi, maʼrifat degan muammoning kalidi, madaniyat dunyosining beshigi ana shu tanqiddir...