DUNYO BOLALARI

Ma'lumki, xalqimizning buyuk adibi Asqad Muxtor o'z ijodining salmoqli qismini romanlar va qissalar yozishga bag'ishlagan, lekin, shu bilan birga, yosh kitobxonlarni ham unutmagan, ularga bag'ishlab she'rlar, hikoyalar ham yozgan. Adib qo'lingizdagi ushbu kitobini sizlarga — bolalarga bag'ishlab yozgan. Bu kitobni o'qir ekansiz, muallif bilan birga dunyoning har bir burchagiga: Amerikaga, Afrikaga, Sharqiy Osiyoga sayohat qilasiz. Ha, turli millat vakillarining o'zingiz bilan tengdosh bo'lgan farzandlari bilan tanishasiz. Ularning xursandchiligiga, baxt-u quvonchiga sherik bo'lasiz, g'am-kulfatlarida hamdard bo'lasiz.