DUNYO BOLALARINING SEVIMLI ERTAKLARI

Ustoz Ozod Sharafiddinov suhbatlaridan birida haqiqiy murabbiyning vazifasi kitobxon yetishtirish ekanini aytgan edilar. Fan-texnika shiddati bilan taraqqiy topgan hozirgi kunda kitobxonlar sonini koʻpaytirish, ayniqsa, umidimiz yulduzlari boʻlmish yoshlarimizga kitobni sevdirish, shu orqali ularni tarbiyalab voyaga yetkazish har birimizning sharafli, masʼuliyatli vazifamizdir. Kitobga oshno boladan faqat ezgulik kutiladi, demak, undan, uning kelajagidan koʻngil xotirjam! Bu maqsadimizning haqiqatga aylanmogʻi uchun esa farzandlarimizning aqliqa, ruhiyatiga xitob qila oladigan, ularni qiziqtiradigan adabiyotga ehtiyojimiz bor. «Dunyo bolalarining sevimli ertaklari» deb nomlanuvchi mazkur kitob ana shu ehtiyoj mahsuli sifatida tasnif etilgan. Uning quyidagi jihatlarini sanab oʻtishni lozim topdik: 1. Kitobning nomlanishiga mos ravishda jahon xalqlari ertaklarining eng sara, ommalashgan va mult-film qilingan namunalarini jamlangan. Binobarin, bu yosh kitobxonlarning qiziqishini yanada orttiradi, hatto ularga ertakning kitob varianti bilan ekran vari-antini solishtirib mulohaza yuritish imkonini beradi.