ER BOSHIGA ISH TUSHSA

Oʻzbekiston xalq yozuvchisi Odil Yoqubovning romani kitobsevarlar qoʻlidan tushmay oʻqiladigan asarlardan biridir. Roman ikkinchi jahon urushi yillarida yoshlarning front ortida mehnat qilib, koʻrsatgan jasoratlari, quvonch-u iztiroblari haqida. Asarning asosiy qahramonlari – Mashrab, Akmal, Qoʻchqor, Muyassar-u Gulchehralar. Bu yoshlar kattalarning yoʻqligini bildirmay kun-u tun mehnat qiladilar. Ogʻir mashaqqatlarni matonat bilan yenggan yigitlar atrofida boʻlayotgan nohaqliklarga qarshi kurashadilar.