Etakdagi Kulba

Har bir kishining o'zligi bor, o'sha kishi mansub bo'lgan millatning o'zligi bor. Kishi o'zligi fitrat bilan e'tiqod ko'zlatning shakllanib, millat o'zligi bir til, bir ruh, bir shilmoqdagi kishilarning ma'naviy olamlari yig'indisidan shakllanadi. Demak, bu yerda birlamchi hodisa har bir Odam bolasining o'zligidir. Bu ma'noda «o'zlikka qaytish» degani – kishi o'zining kimligini bilishi, o'zini tanib olishidir. Ya'ni men o'zimda-o'zidan-o'zi paydo bo'lib qolgan, qiymatsiz, tasodifiy bir narsamanmi yoki yaratilishimdan ko'zlangan oliy maqsadlar tufayli yuksak darajada qiymat berilgan bir oliy yaralmishmanmi?! Hayot nima – bugun bor, ertaga yo'q bo'ladigan qiymatsiz, mazmunsiz bir vaqt tushunchasimi yoki ertaga ham davom etadigan abadiy hayotning boshlang'ich pallasimi?! O'lim nima – tasodifiy kelishning muqarrar yakuni bo'lmish abadiy yo'qlikmi yoki vaqtincha­lik hayotdan abadiy borlikka, abadiy hayotga o'tish holatimi?! Yozuvchi ijodda shu o'zak bilimga asoslansa, adabiyot hayotni shu nuqtai nazardan yoritsa, zamonlar o'tsa ham mavzui eskirmaydi, o'qigan odamni hayajonga solaveradi...» Ushbu kitobga adabiyning o'ziga xos imlosi saqlab qolindi.