EZGULIKKA BAXSHIDA UMR

Toshkentda, butun Oʻzbekistonda Shayxovlar sulolasini xalqimiz yaxshi taniydi. Fanatast yozuvchi Xoji-akbar Shayxov mansub boʻlgan oiladan farqli oʻlaroq, Erkin Turdiyevich Shayxov bosh boʻlgan sulola mavjudki, bu qavm respublikamiz iqtisodiyoti, siyosati, ilm-fani, diplomatiyasi yaqin tarixida munosib oʻrin tutadi. Maʼrifatli oʻzbekning ziyokor oilasi – Shayxovlardan faylasuf olim, fan arbobi Xotima Shayxova, tibbiyotchiy murabbiy Xolida Shayxova, diplomat va davlat arbobi Alisher Shayxovlar yetishib chiqqan. Sulola chinori Erkin Turdiyevich Shayxov mamlakatimiz iqtisodiyoti, agrar siyosati, oliy taʼlim tizimida salmoqli oʻringa ega boʻlgan shaxs, murabbiy, arbob edi. Ushbu kitob mazkur sulola hayotini yoritarkan, mustaqil Oʻzbekistonimizning yaqin tarixiga tutashib ketgani bilan ahamiyatlidir.