Farengeyt boʻyicha 451°

Hayot tezlashgan, bir xillik tenglik deb ataladigan, odamlar bir-birini eshitmaydigan, fikrlashdan toʻxtagan, xurlik mahv etilgan... Bu jamiyatda kitoblar aql kushandasi sanaladi, taqiqlar tufayli odamlar asta-sekin ulardan voz kechadi, adabiyotdan qoʻrqadi. Ular faqat quloqlaridagi “chigʻanoq”lardan sarxush yashaydi. Kitoblar taqiqlangan yaqin kelajakdagi xayoliy Amerika jamiyati haqida hikoya qiluvchi ushbu asar bosh qahramoni Gay Monteg – oʻt oʻchiruvchi. Nomi oʻt oʻchiruvchi, ammo kitoblarni ular topilgan uylar bilan qoʻshib yoqish uning aʼsolidir. Ammo kuni kelib, u oʻz kasbining toʻgʻriligiga shubhalanib qoldi va asta-sekin fikrlashni istayotganini sezdi, ana shundan boshlangan isyon ortidan u oʻzi yashab turgan jamiyatdagi tutumni, tartibotni savol ostiga ola boshladi. Alaloqibat u oʻzi kabi insonlardan iborat yashirin guruhga qoʻshildi... Ilk bor nashr etilganiga qariyb 70 yil boʻlsa-da, Rey Bredberining dunyo miqyosida tan olingan “Farengeyt boʻyicha 451” asari hamon jahon adabiyotining sara asarlaridan boʻlib kelmoqda. Ushbu distopik asarda koʻtarilgan mavzular bugun har qachongidan ham dolzarbroq tus olib boryapti.