Farzandnoma

Axloq-odob mustahkam zaminda vujudga keladi, yuksaladi... Mustahkam zamin, bu donishmand bobo-momolarning ko‘p ming yillik axloqiy-ruhiy, hayotiy tajribalari, ma’rifatli ota-onalarning maqbul tarbiyasi, munavvar fikrli ustozlarning ilmu hikmatga boy ta’lim-o‘gitlari, zakovat xazinasi bo‘lmish azizu fozillarning ulkan ma’naviy ibrati, adolatli va yurtparvar yo‘lboshchi rahbarlarning samimiy yo‘l-yo‘riqlari hamda sadoqatpesha zotlarning ko‘rsatgan solih ibratidir. Bunday sog‘lom muhitda voyaga yetgan yosh avlod, to‘g‘ridan gapki, odobi go‘zal, bilimi chuqur, tafakkuri yuksak, mushohadasi keng, mas’uliyatni teran his etadigan, muhimi, jamiyat ravnaqiga xizmat qiladigan komil inson bo‘lib shakllanadi. Ushbu kitob farzand tarbiyasi va uning nozikligi uchun befarq bo‘lmagan ota-onalarga, ustoz-murabbiylarga, qolaversa, insoniyatning ma’naviy yuksalishi yo‘lida jon kuydirayotgan fidoyi, zahmatkash ziyolilarga mo‘ljallangan. U siz va zurriyotlaringiz sevib o‘qiydigan asarga aylanadi, deb umid qilamiz.