Fizika

“Eynshteyn” va “Nisbiylik nazariyasi” – biri ikkinchisini aks ettiradigan soʻzlar. Nisbiylik nazariyasidan hech narsa tushunmaydigan odam ham buni biladi. Bu nazariya XX asr boshida fizika fanida inqilob qildi. Shundan buyon yuz yildan ortiq vaqt oʻtmoqdiki, hamon ilm ahlini hayratlarga solib keladi. Uni tushunib yetish oson emas, chunki voqea-hodisalar qayerda, qanday va qachon kechgan boʻlsa, shuncha-muncha oʻrganmaydi, Koinot miqyosida turib qaraydi. Rus tilidan tarjima qilingan bu kitobni Albert Eynshteyn oʻz assistenti L.Infeld bilan birgalashib, ommabop qilib yozgan. Uni tushunish uchun olimdan maxsus tayyorgarlik talab etilmaydi. Oʻrta maktab fizikasini oʻqigan boʻlsa kifoya, faqat katta qiziqish va matonat kerak. Talabalarga, mustaqil oʻrganuvchilarga moʻljallangan.