FUTBOL TO'PINING SAYOHATI

Jonajon yurtimizning istiqlolga erishuvi, azamat xalqimizning oʻz erkini qoʻlga kirituvi oson kechmagan. Bu muqaddas orzu yoʻlida necha-necha avlod jon tikib kurashib kelgan. Oʻzbekiston xalq shoiri Anvar Obidjonning yosh kitobxonlar orasida behad suyukli boʻlib kelayotgan, xalq dostonlari ohangida bitilgan «Dahshatli Meshpolvon» qissasida aynan ozodlik uchun kurash bosh mavzu qilib olingan. Unda bosqinchilar asir qilib olib ketgan ota-onasini sogʻinib-sogʻinib, oxiri qutqarib kelishga atlang an boʻz bolaning bir-biridan qiziq kechinmalari qalamga olingan. Meshpolvon soddagina, toʻporigina boʻlsa-da, uning qalbida uygʻongan chanpanicha shiddat, milliy oriyat, zoʻravonlikka nafrat kabi tuygʻular boshqa yurtdoshlarning ham koʻngliga oʻt soladi, oxir-oqibatda xalq qoʻzgʻalib, bosqinchilarni ona tuprogʻidan uloqtirib tashlaydi. Odil Burgutshoh haqidagi nazmiy ertakda yurt tinchligini asrash naqadar mushkul vazifa ekani, tashqi gʻanimlar qavm ichida kelishmovchiliklar keltirib chiqarishga, hatto yaqin jigarlardagi orasiga nizo solishga, mamlakatni parokanda qilishga urinaberishi bayon etiladi. Bu — hozirgi kunimiz uchun ham nihoyat dolzarb mavzu. Adibning ushbu kitobdan joy olgan «0099 raqamli yolgʻonchi», «Futbol toʻpining sarguzashtlari» asarlari, sheʼrlari ham yumorga, goʻzal tasvirlarga oʻta boyligi bilan oʻquvchilarni oʻziga maftun etishiga shubha yoʻq.