GARRI POTTER va AKZABAN MAHBUSI

Sirius Blek ismli hammaga maʼlum jinoyatchi sehrgarlar olamidagi mudhish qamoqxona – Azkabanda oʻn ikki yil oʻtirdi. Oʻn uch kishining qotili sifatida ayblangan ushbu mahbusni hamma Lord Voldemortning sadoqatli xizmatkori deb biladi. Azkaban qasridan sirli ravishda qocha bilgan mahbusning xatti-harakati, qoldirgan izlariga qaraganda, Garri Potterni taʼqib qilib, oʻldirishni u oʻz oldiga qoʻygan asosiy maqsad deb biladigan koʻrinadi. Garrining hayoti qadrdon maktab dargohida, doʻstlar davrasida boʻlishiga qaramay, xavf ostida qolmoqda. Chunki qotilga «Xogvars» hududiga kirish yoʻlini ochib berayotgan odam borga oʻxshaydi. Azkabanning qochoq mahbusini qoʻlga olish uchun, ushbu qamoqxonaning mudhish qoʻriqchilari – dementorlar yuborilgan. Ulardan qochib qutulishning iloji yoʻq. Bunga faqat Sirius Blek erisha olgan, xolos. Asar qahramonlari birinchi boʻlib Azkaban mahbusining sirini fosh etishlari, uni topishlari, begunohlarning hayotini saqlab qolishlari kerak. Marhamat, aziz kitobxon, oʻqing va zavqlaning!