Garri Potter va MAXFIY XONA

Hurmatli kitobxonlar! «Garri Potter» romanlar turkumi ona tilimizga tarjima qilishdan maqsad, sehr-jodu yoki afsungarlikni targʻib qilish emas, aksincha yoshlarning yaxshilikka, adolatga, haqiqatga, mehr-muhabbatga boʻlgan ishonchini yanada mustahkamlashdir. Sizlar «Garri Potter» romanlar turkumi «Garri Potter va Maxfiy xona» deb nomlanuvchi ushbu qismida Xolasining uyida ulgʻaygan oʻn bir yoshli yetim bola Garri Potter aslida sehrgar ekanini oʻzi bilmagani, boyqush pochtasi orqali uning nomiga yoʻllangan xat hayotini tubdan oʻzgartirib yuborgani, «Xogvars» sehrgarlik va afsungarlik sanʼati maktabida misli koʻrilmagan voqealarni boshdan kechirgani, dunyodagi eng yovuz sehrgar bilan yuzma-yuz kelgani, doʻstlari Ron va Germiona bilan birga Falsafiy tosh sirini fosh etganidan asarning birinchi qismini oʻqib, xabar topdingiz. Yozgi taʼtilning zerikarli kunlari oʻtib, Garri Potter yana «Xogvars»ga qaytdi. Asarning ikkinchi qismini oʻqir ekansiz mashinalar uchadigan, daraxtlar urishadigan, oʻrgimchaklar gapiradigan, xatlar qichqiradigan ushbu oʻquv yilida roʻy bergan koʻplab tashvishli voqealar guvohi boʻlasiz, Garrini taʼqib qilib yurgan uy elfining asl maqsadini, nima uchun ilonzabon boladan hamma yuz oʻgirishini bilib olasiz, maktabni yopib qoʻyishmasligi uchun asarning bosh qahramoni oʻz sadoqatli doʻstlari bilan birga bir zamonlar ochilgan Maxfiy xona siri bilan tanishasiz, Garri bilan yolgʻiz qolib, yovuz lord Voldemort bilan yana jang qilasiz.