GULLIVERNING SAYOHATLARI

XVIII asrning buyuk ingliz yozuvchisi Jonatan Svift (1667-1745) oʻzining «Gulliverning sayohatlari» nomli satirik romani bilan dunyoga dong taratdi. Yozuvchi gʻazab va ehtiros bilan yozgan bu kitobida oʻzi yashagan davr Angliyasidagi mavjud davlat tuzumi, ijtimoiy tartib va xulq-atvorlar ustidan qattiq kuladi, ularni qoralaydi, amaldor shaxslarning toshbagʻir, qabih va xudbinligini fosh qiladi. Bu kitobning koʻplab sahifalari qadimgi burjua va dvoryan Angliyasiga qarshi bitilgan boʻlsa-da, lekin uning satirik kuchi, mohiyati shu kunlarda ham oʻz qimmatini saqlab qolgan.