Haqiqiy moʻjiza oʻzinga ishonmoqdir

Baxtli boʻlish uchun ham, hayotingni yoʻlga solish uchun ham aslo kech qolganing yoʻq! Bugunni, ha, aynan bugunni hayotingdagi eng yaxshi kunga aylantirish oʻz qoʻlingda. Axir nafas olyapsan, yashayapsan, shuning uchun boshimga dard-u gʻam tushdi, deya ustingga tuproq tortolmaysan! Muvaffaqiyatsizlikdan aslo qoʻrqma. Aslida, kelasi yil ham hozir turgan joyingda boʻlishdan qoʻrq! Kechagi kunni unut, oʻtdi-yu ketdi. Qoʻlingda butun boshli bugun bor, uning qadriga yet va hech bir ishni ertaga qoʻyma! Ha, bugungi kunni zinhor ertaga qoldirma. Chunki erta ham keladi, ammo sen ertaga yetib borolmasliging mumkin! Shuni unutma-ki, boshdan kechirilgan bir on, xayoldagina qolgan sarobdan ancha yaxshidir! Vaqti keldi. Bugun - aynan oʻsha kun! Ayolmisan, erkakmisan, bolamisan, bu meni qiziqtirmaydi! Oʻrningdan tur va harakatga tush! Ortga suraverishdan voz kech, jasoratli boʻl endi. Chunki hayot ortga suraverishdan darajada uzun emas, doʻstim. Shunday ekan, dam shu damdir - buguningga egalik qil!