Har kimki vafo qilsa

Oʻzbek xalqi koʻplab buyuk daholarga beshik tebratgan millat. Oʻzbekning asl farzandi, shoh va shoir, zukko olim Zahiriddin Muhammad Bobur ana shunday daholardan biridir. U nafaqat oʻz diyorimizda, balki butun dunyoga ham maʼlum-u mashhurdir. Bobur tadbirkor podshoh, mohir sarkarda sifatida Boburiylar sulolasiga asos solgan boʻlsa, isteʼdodli shoir, adib sifatida adabiyot xazinasini oʻzining oʻlmas va sara asarlari bilan boyitdi. Bizgacha uning “Boburnoma”dan tashqari juda koʻp gʻazal, ruboiy, qitʼa va fardlari yetib kelgan. Qoʻlingizdagi kitobda Bobur sheʼriyatining eng goʻzal namunalari jamlangan boʻlib, unda insoniy fazilatlar, yor vasli, uning goʻzalligi, unga cheksiz muhabbat, hijron azobi, ayriliq alamlari nihoyat goʻzal va mohirona ifoda etilgan.