HAYOT-MAMOT

“Turkiy dunyo Alisher Navoiydan qariyb 500 yil keyin adabiyot choʻqqisiga Chingiz Aytmatovni olib chiqdi”, degan fikrni bugun biror-bir adabiyot ixlosmandi inkor etmaydi. Asarlari dunyoning 180 tiliga tarjima qilingan va turli millat vakillarini insonni ulugʻlashga chorlovchi qadriyatlar atrofida birlashtirgan yozuvchi ijodiga kitobxon xalqi qayta va qayta murojaat qilaveradi. Eʼtiboringizga havola etilayotgan navbatdagi kitobga biz adibning “Erta qaytgan turnalar”, “Oʻtar qush nolasi”, “Hayot-mamot” kabi qissa va hikoyalarini jamladik. Asarlardagi qahramonlar taqdiri bir-biridan chigal, bir-biridan ziddiyatli, ayni vaqtda kitobxon bularning hech qaysisiga befarq qarolmaydi. jahon kitobxonlarining eʼtirofiga sazovor boʻlgan asarlar mutolaasi qalbingizda yangi dunyolarni ochishiga ishonchimiz komil.