HERIRUD FARYODI

Istedodli yozuvchi Gʻafur Poʻlatovning mazkur asari keng kitobxonlar orasida katta qiziqish uygʻotganligi uchun oʻtgan yillar mobaynida (2005-2016) toʻrt bor qayta nashr etildi. Har bir nashri muallif tomonidan qayta ishlanib, toʻldirib borildi. 2015 yili asar “Jahon adabiyoti” sahifalarida ham bosilib, jurnalning “Eng yaxshi original asar” nominati boʻyicha Ozod Sharafiddinov nomli mukofotiga sazovor boʻldi. Dastlabki adadlari qissa tarzida chop etilgan ushbu kitob, 2016 yilga kelib roman shaklida dunyo yuzini koʻrdi. “Hyerirud faryodi” asariga respublikamizning koʻplab taniqli adabiyotshunos olim va adiblari yuqori baho berganlar. Gʻafur Poʻlatov ushbu kitobi bilan zamonaviy oʻzbek adabiyotiga realistik uslub namoyondasi sifatida kirib keldi. Eʼtiboringizga romanning lotin alifbosidagi toʻldirilgan nashrini havola qilmoqdamiz.