ICHINGDA BAHOR

She'rda o'zimni toza ko'rgim keldi. Nuqsonlardan xoli bo'lmagan bir inson yoki olamning mayda bir zarrasi o'zimni butunday his qilgim keldi. Qachondir Ishikava Takuboku, Oshiq Veysal yoki Rauf Parfini o'qib, sel bo'lganim kabi mening ham botinimdan to'kilgan eng samimiy so'zlar kimningdir yuragiga iliqlik olib kirishini istadim. Yuzlab matn qoraladim va ular ichida eng sara deb bilganlarim to'plam shaklini oldi. Kamida bitta-she'r yoki bitta satr ichingizni ilita olsa, maqsadimga yetgan bo'laman. To'plamni shu ilinjda «Ichingda bahor» deb atadim.