IKKI JAHON OVORASI

Hojiakbar Shayxov serqirra va samarali ijodiy faoliyati davomida koʻplab ilmiy-ommabop va ilmiy-fantastik hikoyalar, qissa va romanlar yaratdi, oʻzbek adabiyotida fantastika janrining asoschisi sifatida e’tirof etildi. AQShda nashr qilingan jahonning eng yetuk fantast yozuvchilari haqidagi ensiklopediyaga oʻzbek adabiyotining vakili sifatida aynan uning nomi kiritilgani ham buning yorqin dalilidir. Ushbu “Ikki jahon ovorasi” ilmiy-fantastik romani yozuvchining eng sara asarlaridan biridir. Mazkur kitob keng kitobxonlar ommasiga moʻljallangan boʻlib, ilmiy-ommabop va ilmiy-fantastik voqealar ixlosmandlariga ajoyib tuhfa boʻladi degan umiddamiz.