Ildizlar

Ushbu kitob xalqimizning atoqli adibi, soʻz ustasi, oʻzbek tahrir maktabining asoschisi — shoir, noshir va dramaturg Asqad Muxtorning “Jar yoqasida chaqmoq”, “Ildizlar” qissalari va “Men hayotni oʻrganaman”, “Kechiring meni, odamlar”, “Xonimning tugʻilgan kunlari”, “Sherbekning ar’ugʻogʻi”, “Toʻqizinchi palata”, “Safarali” hikoyalari kiritilgan. Adibning “Jar yoqasida chaqmoq” qissasini oʻqir ekansiz, har qanday boylikdan insoniylikni ustun qoʻygan, yetim-yesirlarga yaxshilik qilish uchun hattoki oxiri oʻlimi bilan tugaydigan safarga otlangan Mamat obrazi bilan tanishasiz. “Ildizlar” qissasida esa necha ming yillardan beri saqlanib, qadrlanib kelayotgan urf-odatlarimizni mensimaydigam, faqat oʻz manfaati va maqsadini koʻzlaydigan, hattoki onasining oʻlimiga ham beparvo qaragan, uning soʻnggi vasiyatini bajarishini ham “qoloqlik” sifatida koʻrgan obraz — Marat bilan tanishasiz. Marat tabiatidagi bu illat shunchalik kuchayadiki, oqibatida sevgilisi Muhsina ham uning hayotidan chiqib ketadi... Shuningdek, adibning ushbu toʻplamdan oʻrin olgan hikoyalarida ham insoniylik, mehr-oqibat, kamtarlik, sadoqat, rostgoʻylik, sabr-qanoat ulugʻlangan. Ochkoʻzlik, kibr-havo, yolgʻonchilik, xiyonat, razillik aorlangan.