Jannatdagi soyalar

Ular Amerika deya atalmish jannatga soya kabi kirdilar. Ikkinchi jahon urushi olovida yonib qovrilgan odamlar... O'tmishini yo'qotib, Yevropaning turli burchaklaridan quvilgan qochqinlar... Asablari tarang go'zallik timsoli va sharobxo'r yozuvchi. Telba aktrisa hamda ajoyib jarroh. Qarshilikning umidsiz qahramoni va o'tkir optimistik biznesmen. Bunday turli toifadagi insonlarni nima birlashtirib turgan bo'lishi mumkin? Tuturiqsiz muhojirona hayotning mo'rtligimi yoki bir kun kelib uyga qaytishning muqaddas umidi? Erix Mariya Remarkning o'zbek tiliga ilk marotaba tarjima qilingan «Jannatdagi soyalar» kitobi mutolasi davomida yuqoridagi savolga birgalikda javob topamiz.