JAYHUN USTIDA BULUTLAR

Ajdodlarimizning bosqinchilarga qarshi mardonavor kurashlari bir necha ming yillar oldin magʻrib va mashriqda afsonalarga aylangan, ular haqda koʻplab asarlar yozilgan. Ushbu kitobda Mirkarim Osimning mazkur mavzuga oid eng sara asarlari jamlandi. Aziz kitobxon, Vatanni sevgan, forslardan uni himoya qilgan, tinchligiga posbon boʻlgan massagetlar podshosi Toʻmaris, choʻpon Shiroq, dunyo ilm-faniga beqiyos hissa qoʻshgan ulugʻ alloma Abu Rayhon Beruniy boshidan kechirgan gʻaroyib voqealar haqida, moʻgʻullarga qarshi kurashgan oʻtrorliklar hamda yengilmas bahodir Temur Malik jasoratidan hikoya qiluvchi qissalar mutolaasiga shoshiling.