JURNALISTIKA HUQUQI VA ETIKASI

Demokratlashayotgan fuqarolik jamiyatida barcha munosabatlar huquqiy meʼyorlarga asoslanadi. Xususan, jurnalistika va ommaviy axborot vositalari sohasida qonun, huquq talablari soha faoliyatini jamiyat manfaatlariga yoʻnaltirishda jiddiy ahamiyat kasb etadi. Shuningdek, jurnalistning kasb odobi, yaʼni etikasi meʼyorlari ommalashuvining ahamiyati huquq talablari ahamiyatidan oz emas. Bir soʻz bilan aytganda, ushbu jilddan oʻrin olgan maqolalar, sharhlar, tahlillar va mulohazalar soha uchun nihoyatda muhim va dolzarb boʻlgan mazkur ikki yoʻnalishga doir masalalarga qaratilgan.