KAFANSIZ KO‘MILGANLAR

Boshidan oʻtkazgan qiyinchiliklarini, toʻgʻrirogʻi, xoʻrliklarini eslash insonni yana bir karra ogʻir azobga roʻbaroʻ qiladi. Uni yozish esa... Qatagʻonlik davri tasviri, undan ham ogʻiri – oʻzining «xalq dushmani» deb ayblanishi haqida yozish, mahbusligini eslash, qamoq voqealari, lager hayoti, soʻzsizlik... bularning haqqoniy tasviri Shukrulloning «Kafansiz ko‘milganlar»ida yaqqol ifodalangan. Asarning yana bir ahamiyatli jihati – uning mazkur mavzudagi yagona asarligida. Ushbu xotira-roman oʻquvchiga qatagʻon davri haqida tirik lavhalarni namoyish etadi.