Kaktuslar ham Gullaydi

Bu foniy dunyodagi ba’zi odamlar menga choh qazishgan bo‘lsa-da, o‘sha chohdan o‘zgarib chiqdim – yanada kuchliroq bo‘ldim! Bu yo‘llarda bir qancha vaqt o‘zimni yo‘qotib, hech narsani his qilmay yurdim. Lekin o‘rgandim: inson o‘zi yurgan yo‘llarga gullar ekib olg‘a intilishi kerak ekan. Agar u yarim yo‘lda qolsa-yu, orqaga qaytadigan bo‘lsa, o‘sha yo‘llar gullar bilan bezatilgan bo‘lishi kerak ekan. Hattoki kaktuslar ham gullashi mumkin bo‘lgan bu dunyodagi ba’zi bir odamlarning qalbi allaqachon so‘lib, qurib qolgan.