Kaltaksiz turolmayman

Aziz Nesin xalqimiz sevib mutolaa qiladigan turk yozuvchilari ichida eng birinchi safda turadigan adib. Zero, boshqa tillarga eng koʻp oʻgirilgan toʻrt turk yozuvchisidan biri Aziz Nesin ekani bejiz emas. Aziz Nesinning sevimli qahramonlari turfa kishilardir, xususan ular mayda amaldor, ziyoli qatlam, ish izlayotgan kambagʻal, yaʼni, bir soʻz bilan aytganda xalqdan chiqqan odamlardir. Shuning uchun ham yozuvchining asarlari maroqli, ularning har biri allaqachon qoʻlimizdan qoʻymaydigan kitoblarimizga aylangan. Yozuvchining 2010-yilda nashr etilgan asarlarining umumiy adadi 8 million nusxadan ortiqni tashkil etdi. Ushbu raqamlarning oʻzi ham Aziz Nesinning qanchalik mashhurligini koʻrsatib turibdi. Adibning eng sara hikoyalari jamlangan yangi toʻplami ham Sizga yaxshi yoʻldosh boʻladi, degan umiddamiz.