KATTA O‘YIN

Yevropaliklarning Markaziy Osiyoga azaldan qiziqqani tarixdan maʼlum. Ammo mintaqaga tadqiqotchi sifatida kelib, bu yerdagi ijtimoiy-siyosiy hayotni o‘rgangan sayyohlar, tadqiqotchilar haqidagi maʼlumotlar juda oz. Ularning o‘zbek tiliga tarjima qilingan asarlari deyarli yo‘q. Yuz bergan voqealarda bevosita ishtirok etgan ko‘plab qahramonlarning kundaliklari asosida yozilgan ushbu kitobda o‘tmishdagi siyosiy hayot, mintaqani bo‘lib olish uchun ikki qudratli mamlakat o‘rtasida kechgan mojarolar aks etgan. Tarix har kimning talqinida turlicha ifoda topadi. Qo‘lingizdagi kitobda Markaziy Osiyoning yaqin o‘tmishiga oid sahifalari yevropalik muallif talqinida bayon etilgan. Bu ham o‘z tariximizga turli tomondan boqish uchun bir imkoniyatdir.