Kichkina xonimlar

Amerikalik noshir Tomas Naylsning iltimosiga binoan oʻsha zamon qizlariga atab yozilgan "Kichkina xonimlar" Luiza Mey Olkottning eng mashhur, jahon adabiyoti roʻyxatlarida oʻrnini eʼtirofini topgan romanlardan. Toʻrt opa-singil – Meg, Jo, Bes va Emmimning biri boshqasinikiga oʻxshamas feʼli, sarguzashtlari, pokiza orzulari betakrorligi bilan ajralib turadi. Ushbu kitob qisman biografik asar hamdir. Muallif oʻz opa-singillarini prototip qilib tanlaydi va "Jo aslida menman" deya kundaliklarida qayd etadi. Yozuvchi nohaqlikka isyon, qiz bolalarning oila, roʻzgʻor tashvishlariga koʻmilib emas, jamiyatga manfaatli ishlarga ham hissa qoʻsha olishiga diqqatini qaratadi. Vatan, sadoqat, burchga masʼuliyat kabi muqaddas tushunchalar hech oxorini toʻkmasligini balogʻat yoshidagi qizlar misolida tasvirlaydi. Oʻsmirlik dunyosining bexob, ammo behad chiroyli yillari shu yoshdagi kitobxon qatori oʻsha pallalarni boshidan kechirgan kattalarni ham qiziqtirishi aniq.