KOʻHNA DUNYO

Oʻzbekiston xalq yozuvchisi Odil Yoqubov oʻzining tarixiy romanlari bilan nafaqat oʻzbek kitobxonlari, balki chet ellik kitobxonlarning ham mehrini qozongan. Adib „Koʻhna dunyo“ romanida ikki buyuk olimning bolaligi, ijtimoiy muhit, yoshlik yillari, ilk sevgisidan tortib, daho ijodkorga aylanguncha boʻlgan davrni jonli va rangli boʻyoqlarda tasvirlaydi. Ularning ilm-fan taraqqiyotiga qoʻshgan buyuk ishlarini umumlashtirishga harakat qiladi. Har ikki ulugʻ ajdodimizning hayoti va ilm-fan rivojiga qoʻshgan hissasini badiiy obrazlarda aks ettirgan ushbu asar bugungi kun oʻquvchisini befarq qoldirmaydi, degan umiddamiz.