Koʻktoʻnliklar

Turkiston oʻlkasi bosib olingach, oʻlkada vaqti-vaqti bilan qoʻzgʻolonlar boʻlib turdi. Yurtni avval Chor Rossiyasi, soʻng Shoʻrolar xoʻmronligidan ozod qilish yoʻlidagi janglar jadal yoki maʼlumfiy koʻrinishdagi harakatlar tinmadi. Milliy ozodlik harakati yoʻlidagi qurolli kurashlardan biri «bosmachilik» deb ataldi. Biroq «bosmachilar»ning hammasini ham qahramonlar deb boʻlmaganidek, qaroqchi tudalar deb hisoblash ham haqiqatga toʻgʻri kelmaydi. Qoʻlingizdagi kitobdan isteʼdodli adib Bahodir Murod Alining «Choʻlpon» mukofotiga sazovor boʻlgan «Koʻktoʻnliklar» qissasi joy olgan. Unda «bosmachilar» davridagi qonli toʻqnashuvlar, otishmalar, makru hiylalar, xoinliklar shaxsiy va ijtimoiy fojialar ufqida aks ettirilgan. Shuningdek, kitobdan yozuvchining «Oqtoʻsh», «Zumrad holaning kelinlari», «Bargak taqqan odamlar» kabi bir necha hikoyasi ham oʻrin olgan.