KOMPYUTER GRAFIKASI

Ushbu oʻquv darslik OʻzR OOʻMTV tomonidan «Kompyuter grafikasi» fani uchun pedagogik va texnik OʻTM larning yoʻnalishlari boʻyicha 2016 yilda tasdiqlangan dastur asosida yozilgan. Unda zamonaviy grafik dasturlar toʻgʻrisida umumiy maʼlumotlar, loyihalash ishlari avtomatlashtirilgan xalqaro standarti hisoblangan AutoCAD dasturida ikki va uch oʻlchamli predmet va buyumlarni kompyuterda modellash metodikasi ishlab chiqilgan. Hamda bajariladigan 3D formatda amaliy modellash va AutoCAD dasturining baʼzi buyruqlarining imkoniyatlari bayon qilingan. Shuningdek, kompyuter grafikasi fanidan grafik ishlarni bajarishga oid tavsiyalar va metodik koʻrsatmalar keltirilgan. Darslikda undan foydalanishni qulaylashtirish maqsadida kitobning elektron varianti va AutoCAD dasturlari orasida klassik deb hisoblangan “AutoCAD” dasturiy qoʻshimcha kompleksi ham ilova qilingan.