Koʻngil naylari

Oʻzbekiston xalq yozuvchisi, Davlat mukofoti laureati Muhammad Ali sheʼriyati inson ruhining nozik tebranishlarini idrok qilishga qaratilgan, hikmatlarga boy, dilkash, tarix tuygʻusi yoʻgʻrilgan falsafiy talqinlari bilan ajralib turadi. Uning “Mashrab”, “Gumbazdagi nur”, “Beshgul” va boshqa dostonlari, “Boqiy dunyo” sheʼriy romani oʻquvchilarga yaxshi maʼlum. Shoir garchand keyingi vaqtlarda koʻproq tarixiy proza bilan mashgʻul boʻlsa-da (“Sarbadorlar” dilogiyasi, “Ulugʻ saltanat” epopeyasi), nazmda ham barakali ijod qilmoqda. Qoʻlingizdagi kitobda shoirning turli davrlarda yozilgan eng sara sheʼrlari bilan bir qatorda yangi sheʼrlari ham oʻrin olgan.