Koʻrgulik

Insoniyat yashab turgan olam sir-sinoatga toʻla. Uni bilish, mazmun-mohiyatini anglab yetish uchun bir inson umri yetmaydi. Lekin odamzod shu qisqa umri davomida olamni tushunishga intilaveradi. Olimlar dunyoni kashf etsalar, shoirlar uning goʻzalliklarini she'rga soladilar. Boboqand Mirzoning mazkur she'riy toʻplamida ijodkor koʻngil kechinmalarining yorqin suvratlari, quvonchu ogʻriqlari, umidlari samimiy ifodasini topgan. Shoir she'rlarining mavzu koʻlami, shakliy va uslubiy xosligi she'riyat muhiblarini oʻziga manzur qiladi, degan umiddamiz.