KUNTUG'MISH

Qoʻlingizdagi ushbu kitob, yaʼni «Alpomish» dostoni oʻzbek xalq ogʻzaki ijodiga mansub boʻlib ming yillar davomida xalqimiz baxshilari tomonidan kuylanib, xalqimiz tomonidan sevib tinglangan. Kuntugʻmish dostonining ushbu nusxasi xalqimizning mashhur baxshisi Ergash Jumanbulbul oʻgʻli (1868–1937) tomonidan kuylangan va Muhammad Isa Ernazar oʻgʻli tomonidan yozib olingan. Toʻliq holatda yozma holatga keltirilishi esa Hodi Zarif (1905–1972) tomonidan amalga oshirilgan. «Kuntugʻmish» dostonida oʻzbek xalqining azal-azaldan imon-eʼtiqod, or-nomus, doʻstga sadoqatning va sof muhabbatning ulugʻlanishi yorqin ranglarda aks ettirilgan. Siz dostonni oʻqish davomida Xolbeka va Kuntugʻmishning gʻayribona bir-birga oshiq boʻlishi, ularning zolimlardan qochib xoragan qiyinchiliklari, egizak farzand koʻrishlari, bir-birlaridan vaqtinchalik judo boʻlishlari, farzandlari — Gʻurkiboy va Mohiboyning sarguzashtlari, Azbarxon ismi karvonboshining razilligi, Kuntugʻmishning shoh boʻlishi va qaytadan Xolbeka hamda farzandlari bilan topishishiga guvoh boʻlasiz. Shuningdek, siz ushbu dostonni oʻqish davomida xalqimizning bir qancha tarixiy etnografik urf-odatlar, safar, aka-uka munosabatlari, iymon va eʼtiqod haqida maʼlumotlarga ega boʻlasiz. Dostonning ushbu nashrga hozirgi davr kitobxonlarining talab va iltimoslariga asosan qoʻshimcha iqtiboslar kiritildi va asar, imkoni boricha, hozirgi oʻzbek adabiy til qoidalari asosida qayta tahrirlandi.