La Tahzen

Qalbing bitmas yaralarga to‘la bo‘lsa, muvaffaqiyatga intilar ekansan, atrofing zimistonga aylansa, o‘tmishingdagi xatolar ketma-ket eshik qoqib kelaversa, sendagi sadoqat doim kimdirning manfaatiga xizmat qilsa, yo‘ling har safar mehr va marhamatdan yiroq insonlarga tutash kelaversa, mahzun bo‘lma. Sen yolg‘iz emassan. Qara, qo‘lingda turgan ushbu kitob senga nima demoqda: «Mahzun bo‘lma, albatta, Alloh biz bilan». Ana endi kitob sahifalarini asta-sekin varaqla. Undagi har bir sahifada dardingning darmoni yashirin. O‘qigan sari shifo top. Bu kitob Hazrati Mavlononing purma’no jumlalari bilan boshlanib, uning ibratli hikmatlari bilan yakunlanadi. Quloq sol, donolar donosi nima demoqchi: «Mahzun bo‘lma, ranjima! Insonlar qalbingga ozor yetkazgan bo‘lsa ham xafa bo‘lma. Axir, Alloh «Men singan qalblardaman» demabmidi?!