LOBAR, LOBAR, LOBARIM MENING

Javlon Jovliyev hikoyalari shaxsiy dardlar ifodasi emas, ular shunchaki voqeani hikoya ham qilmaydi, balki soʻzlar orqali hayot kartinasini chizadi, asarlarni oʻqir ekansiz, koʻz oldingizda millat kechmishlaridan tortib muhabbatning eng toza, samimiy tuygʻulari oʻziga xos ravishda namoyon boʻladi. Toʻplamga ikki xil dunyoqarashga ega yoshlar hayotidan tortib insoniyat tarixidagi eng chirkin kunlar, bosqinchilik oqibatlari – qullik sogʻinchi, jur’atsizlik va inson qadri haqidagi sizni bee’tibor qoldirmaydigan bir qancha hikoyalar jamlangan. Javlon Jovliyev oʻzbek oʻquvchilariga “Qoʻrqma” romani orqali tanilgan, roman 2021-yilning Oʻzbekistonda eng koʻp oʻqilgan kitobi boʻlgan, qator tillarga tarjima qilingan. Ishonamizki, yozuvchining hikoyalar toʻplami ham sizning qadrdon kitobingizga aylanadi