Lol

Har bir shaharning oʻz egasi borligiga ishonaman. Faqat shaharning egalari bu shaharda tugʻilgan, bu zaminda yurgan, unda qadam bosganlar emas, balki bu shaharni sevgan, unga koʻngil qoʻyganlardir uning haqiqiy egalari. Vafot etgan boʻlsalar ham, haligicha insonlarning qalbida yashab kelishmoqda. Bu safar Shamsiddin Sivasii uchun kecharlarni kunduzlarga uladim. Oylar davomida u zot haqida oʻqidim, u zotni tingladim, u zot haqida oʻylab uyquga yotdim, u zot haqidagi soʻzlar bilan uygʻondim. Bir shaharni sevish nima ekanligini, bir shaharga qalban bogʻlanish qanday boʻlishini u zotdan oʻrgandim. Aziz oʻquvchi, yana qalbimga bir dard tushdi. Ichimda bir sir bor, lekin bilmayman qayerdan keldi. Birgalikda qidirib koʻrmaymizmi, nima deysiz? Keling, bu dardni baham koʻramiz, bu sirni oʻrtoqlashamiz. Zamonning algʻov-dalgʻovlaridan bir bu chetga oʻtib, eski zamonda Sivasda uchrashamiz va Shamsiddin Sivasii hazratlarining dargohiga boramiz.