«Masnaviy»dan yoshlarga ibratlar va hikmatlar

«Masnaviy» haqiqatga eltuvchi va Allohning sirlaridan ogoh qiluvchi, aql yurituvchi insonlar uchun hidoyat yo'lidir. «Masnaviy» dinning asl mohiyatini tushuntiradigan, Allohning eng ulug' shariati va undagi haqiqat sari yetaklaydigan nurli yo'ldir. «Masnaviy» qandilga o'xshaydi. U tongdan ham nurafshon, haqiqat izlovchi ko'ngillar uchun bebaho mayoqdir. «Masnaviy» imonga to'la qalblar uchun shifo, imonsizlar uchun esa hasratdir, poklangan kishilar uchun ko'ngillarga shifodir. U qayg'ularni aritgay. «Masnaviy» Qur'onni yanada teranroq anglashga yordam berur, xulqlarni go'zallashtirur. Ko'ngillari toza insonlar, haqiqatni sevganlardan bo'lak kimsalarning «Masnaviy»ga tegishiga ruxsat yo'qdir. (Mavlononing birinchi jilddagi so'zi)