MATEMATIKA

Mazkur toʻplam maktab oʻquvchilari va matematika bilan mustaqil shugʻullanuvchilar uchun moʻljallangan. Shuningdek, ushbu “Yosh iqtidor egalari uchun” kitoblarimiz orqali prezident maktablari, al-Xorazmiy va ixtisoslashtirilgan maktablar taqayyorgarlik koʻrishishingiz mumkin. Barcha mavzular tarkibiy jihatdan sinf ishi, uy ishi va mavzuga doir testlarni oʻz ichiga olgan, bu esa oʻquvchilar va oʻquvchilar uchun qulaylik tugʻdiradi. Shuningdek, har bir mavzudagi koʻplab masala va misollar osondan qiyiniga qarab tartiblangan. Kitobimizning yangilangan nashrida quyidagi yangiliklar va afzalliklar mavjud: -Mavzular va masalalar tartibi yanada yaxshilangan; -Rangli rasmlar koʻpaytirilgan, masalalar sifat jihatdan takomillashtirilgan; -Koʻpchilikni qiynaydigan savol: “Tanqidiy fikrlashni qachon boshlaymiz?” Ushbu kitobimizda har mavzudan keyin qisman boʻlsada, mavzuga doir va matematikaga bogʻlangan holda oʻquvchining tanqidiy fikrlashini oshirishga harakat qiladik. Shuningdek, tanqidiy fikrlash savollarida eng koʻp uchraydigan yoʻnalishlardan foydalanishga harakat qildik. ESLATMA! Baʻzi mavzularda iqtidorli oʻquvchilar uchun (*) savollar bor. Bunday masalalarni matematikani oʻrganishni yaqinda boshlagan oʻquvchilar ishlashi shart emas. Shuningdek, 1 ta mavzu bir darsda oʻtilishi ham shart emas. Ushbu oʻquv qoʻllanmamizni chop etilishida yaqindan yordam bergan Meliboyev Erkin, Suyunov Hasan va Ismoilov Abduqodirga oʻz minnatdorchiligimizni bildiramiz.