Mehrobdan chayon

Oʻzbek adabiyoti tarixida biror-bir asar Abdulla Qodiriyning asarlari kabi sevib oʻqilmagan, xalqning ruh-u ongiga bu qadar singib ketmagan. «Mehrobdan chayon» kitobi Xudoyorxon va munshiylari hayotidan tarixiy lavhalar bilan boyitilgan boʻlib, unda Qoʻqon xonining olib borgan siyosati, oʻsha davrning ogʻir hayot tarzi, oddiy xalqning ahvoli haqida soʻz boradi. Adib asar qahramonlari boʻlmish Anvar va Raʼnoning samimiy va sof muhabbati orqali jamiyatdagi illatlarni mohirlik bilan ifodalab berolgan.