MEN – MARYAM

Asar hayotiy voqealar asosida yozilgan. Olis qishloqning ilmdan yiroq oilasida tugʻilgan Maryamning qismati asar boshlanishidayoq oʻquvchi eʼtiborini tortadi. Tugʻilgan chaqaloqning qizligidan goʻyo gʻururi poymol boʻlgan, unga ism qoʻyishni-da oʻziga munosib bilmagan ota farzandining kelajagini, orzularini, maqsadlarini oʻylaydimi?! Qishloqning tutumlaridan boshqa haqiqati yoʻq otaning qizi bilim olishga, oʻqishga qanday qiziqib qoladi-yu, orzulariga yetish uchun nimalar qila oladi? Maryamning orzulari va, albatta, iztiroblariga sherik boʻlolasizmi? Savollar koʻp, aslida. Lekin javobni kitobdan topamiz.