MENING ERTAKLAR KOLLEKSIYAM

Bolajonlarimizga yangi dunyolarni ochadigan, ularni turfa tabiatli qahramonlar bilan yuzlashtiradigan, umrlarining eng goʻzal lahzalariga bezak beradigan ertaklarni nashrga tayyorlarkanmiz, kichiklar oldida qanchalik katta masʼuliyatimiz borligini his qildik. “Mening ertaklar kolleksiyam” ruknida dunyo xalq ogʻzaki ijodining betakror namunalarini farzandlarimizni bolaligidanoq adabiyotga, kitobga mehr qoʻyishlari maqsadida bilan nashrga tayyorlandi. Shuningdek, ushbu turkum kitoblar Prezidentimizning 2017-yil 13-sentabrdagi PQ-3271-sonli qarori hamda Yoshlar maʼnaviyatini yuksaltirish, ular oʻrtasida kitobxonlikni keng targʻib qilish boʻyicha tizimli ishlarni tashkil etishga yoʻnaltirilgan Toʻr tinchi tashabbusni hayotga tatbiq etish borasida nashriyotimizning kichik bir hissasi, desak mubolagʻa boʻlmaydi. Taʼkidlamoqchimizki, “Mening ertaklar kolleksiyam” ruknida tayyorlangan kitoblar “Eng kitobxon maktab” loyihasi doirasida belgilangan vazifalarni amalga oshirishda ham alohida ahamiyatga ega. Turkum ertaklarimizning oʻquvchilar qoʻliga yetib borishida bizni qoʻllab-quvvatlagan Oʻzbekiston Respublikasi Ichki ishlar vazirligi, Oʻzbekiston Respublikasi Xalq taʼlimi vazirligi hamda “Kitob markazi - kitob dunyosi” tarmoq savdo markaziga oʻz minnatdorchiligimizni bildiramiz. Yosh kitobxon doʻstlarimizga esa maroqli mutolaa tilaymiz!