MENKIM, SOHIBQIRON – JAHONGIR TEMUR

Fransuz temurshunoslari yozgan asarlar javonida professor Marsel Brionning kitoblari alohida oʻrin tutadi. Jumladan, uning siz, aziz kitobxonlarga taqdim etilayotgan kitobi Amir Temur toʻgʻrisida yozilgan asarlar orasida mukammalligi bilan ajralib turadi. Mazkur kitob Sohibqiron dunyoga kelishidan to vafotiga qadar boʻlgan davrni qamrab olib, voqealar Amir Temur nomidan hikoya qilinadi. Ushbu asarning dovrugʻi, dunyoga yoyilishining boisi, Jahongir bobomiz shaxsi, uning hayoti, faoliyati, siyosiy va harbiy sohalarda tutgan yoʻliga oid boy, xilma-xil maʼlumotlarni ham oʻz ichiga olganidir. Zero, bunday mufassal maʼlumotlar Amir Temur tarixidan soʻzlovchi boshqa nasriy manbalarda kam uchraydi. Muallif asarini oʻzgacha ishtiyoq va kunt bilan sodda uslubda yozganiga amin boʻlasiz.