MILLATPARVAR

Ushbu kitobdan siyosatshunos Qudratilla Rafiqovning yangilanayotgan Oʻzbekiston siyosiy jilgalari – Prezident Shavkat Mirziyoyev rahbarligida mamlakatimizda amalga oshirilayotgan, hayotbaxsh islohotlar haqida chuqur tahlil asosida bitilgan publitsistik maqolalari oʻrin olgan. Muallifning ravon va sodda tilda ifoda etilgan fikrlaridan oʻquvchi oʻziga katta taassurot oladi, bilim va dunyoqarashi kengayadi. Tarixdan maʼlumki, Ipak yoʻlining qoq markazida joylashgan mamlakatimiz azaldan multidiniy va madaniy turfa xillikka asoslangan hudud hisoblangan. Bu yerda qadimdan yashab kelayotgan xalqlar doimiy bir-birini hurmat qilib kelgan, bir-birini toʻldirib kelgan. Bugun ham ana Vatanimiz nafaqat oʻzbeklarga, balki undan boshqa xalqlarga ham aziz makondir. Kitobni oʻqigan odam beixtiyor shuni anglaydiki, Yangi Oʻzbekiston tarixini irqi, dini, tili, madaniyati va qadriyatlaridan qatʼi nazar bir maqsad yoʻlida barcha oʻzbekistonliklar – koʻp millatli xalqimiz bir musht boʻlib, birikib, yaxlit millat va xalq sifatida yashayotganini, barqaror oʻsish va taraqqiyotning shonli, yorqin boʻyoqlarga boy boʻlganiga har birimiz guvohmiz. Albatta, buning uchun tubida buyuk tuygʻu – vatanparvarlik boʻlishi kerak. Keng oʻquvchilar ommasiga moʻljallangan mazkur toʻplam ana shunday hayotbaxsh tuygʻularni uygʻotishiga ishonamiz.