MING BIR JON

Abdulla Qahhor ijodi — oʻzbek adabiyoti uchun mustahkam qoya, ayni damda yoʻlchi yulduz vazifasini bajaruvchi mahorat maktabidir. Yozuvchining qay bir asarini olmang, unda dard, iztirob, alam, odamzodning barcha quvonch-u shodligi yangicha boʻy koʻrsatadi. Asarning nihoyasiga yetmaguningizcha uning oxiri nima bilan yakun topishini bashorat qilolmaysiz, kutilmagan voqelik bilan yuzma-yuz kelasiz. Abdulla Qahhor asarlari qahramonlari ham oramizdagi odamlar boʻlsa-da, yozuvchi ularni koʻpchilikka namoyon boʻlmagan xislatlari orqali bizga tanishtiradi. Ularning qalbini tinglashga, ularga hamdard boʻlishga chaqiradi. Aziz kitobxon, «Global books» nashriyoti adib Abdulla Qahhor asarlarining ana shunday goʻzal namunalarini qayta nashrga tayyorladi. Bu ham koʻpchilikning talab va istaklari mahsulidir. Oʻqing, bahra oling!