Moʻjiza inson – Hazrat Imom Buxoriy

Ushbu asar tariximizda oʻtgan buyuk alloma Imom Buxoriyning hayot yoʻliga bagʻishlangan. Yozilishida oʻziga xos uslub qoʻllanilgan, yaʼni voqealar rivoji davomida har bir tarixiy shaxs haqida manbalarda saqlanib qolgan, mutaxassislar tomonidan tekshiruvdan oʻtgan tarixiy maʼlumotlar berib borilgan. Ular bilan tanishib borish oʻquvchilarga oʻsha davr ilmiy hayoti koʻlamini va oʻsha zotning olimlik darajasini his etishda yordam beradi. Yozuvchi ijodiy jarayonida oʻzi lozim topgan syujetlarni quradi, turli toʻqimalardan, taxminlardan va farazlardan foydalanadi. Shuning uchun bu badiiy adabiyot namunasidir. Oʻqish mobaynida, tarixiy shaxs hayoti aynan shunday voqealar tizimidan iborat boʻlgan, deb ishonish shart emas. Imom Buxoriy Xalqaro Ilmiy Tadqiqot Markazi mutaxassislari asarni sinchiklab oʻqib chiqib, oʻz tavsiyalarini berganlar.