Mustahkam oila jamiyat barqarorligining garovidir

Butunjahon statistikasi maʼlumotlariga koʻra, dunyoda oilaviy ajralishlar koʻpayib boryapti. Bu holat odamlar hayotida oilaviy qadriyatlarning ahamiyati yoʻqolib borayotganidan dalolatdir. Ayni paytda Oʻzbekistonda ham oilalardagi mavjud muhit barqarorligini taʼminlash, oilaviy nizo va kelishmovchiliklarni kim yoʻl bilan hal qilish borasidagi ishlar yanada takomillashtirish muhim vazifalardan biridir. Mazkur qoʻllanma Oʻzbekiston xotin-qizlar qoʻmitasi tashabbusi bilan mahalla oilalarida sogʻlomtalik va xotirjamlikni taʼminlashda oʻz faoliyatini olib borayotgan fuqarolar yigʻinlarining raislari (oqsoqollari), hududlardagi profilaktika inspektorlari hamda «Mahalla posboni» jamoatchilik tuzilmasi rahbarlari uchun ishlab chiqilgan. Bundan tashqari, 2018 yil 1 apreldan fuqarolar yigʻinlarida joriy etilgan xotin-qizlar bilan ishlash va oilalarda maʼnaviy-axloqiy qadriyatlarni mustahkamlash boʻyicha mutaxassislar (keyingi oʻrinlarda – mutaxassis deb yuritiladi) tomonidan ham mahallalarda oilani ijtimoiy muhofaza qilish, xotin-qizlarni har tomonlama qoʻllab-quvvatlash, ularning oila va jamiyatda mavqeini yuksaltirish boʻyicha huquqiy savodxonligini oshirishga koʻmaklashish maqsadida qoʻllanilishi mumkin. Qoʻllanma uchrab turadigan oilaviy mojarolar, janjallarni tahlil qilish davomida huquqiy kelgan holatda, ijtimoiy va qonuniy nuqtai nazardan toʻgʻri baho berish (huquqiy maktablarda zoʻravonlikka asoslangan jinoiy xatti-harakatlarni ajrata olish hamda xotin-qizlar va bolalarning huquqlarini taʼminlovchi) samarali choralar koʻrishda yordam beradi. Qoʻllanmaning asosiy maqsadi bazali oilalarda nosogʻlom muhitni vujudga keltiruvchi munosabatlarga barham berish va sogʻlom ijtimoiy-maʼnaviy muhitni shakllantirishdan iboratdir. Qoʻllanmada oʻz ifodasini topgan qarashlar, fikr-mulohazalar, keltirilgan materiallar tuzuvchilarning fikrlari, xorijiy va professional tajribalari asosida bayon etilgan boʻlib, Birlashgan Millatlar Tashkilotining Aholishunoslik jamgʻarmasi va BMT yoki unga tegishli boʻlgan tashkilotlarining rasmiy nuqtai nazaridan farq qilish mumkin.