NABIYNOMA

Muhtaram o'quvchi! Sizning nozik didingiz hukmiga havola etilayotgan, qalb da'vati, muslimlik burchi ila bitilgan ushbu kitob qalbingizga cho'g' solib, dilingiz to'ridan munosib o'rin oladi degan fikrdamiz. Zero, yurak qo'ri bilan bunyodga kelgan bu nazmiy asarda ikki olam sarvari, bashariyat xaloskori Muhammad mustafo sollohi alayhi va sallamning bolalik, o'smirlik, yigitlik davrlari va Islom dini barqarorligi yo'lidagi jasoratli, adolatli faoliyati o'ziga xos so'z bo'yoqlari bilan ifoda etilgan. Shuningdek, kitobdan o'rin olgan Hadichai Kubro haqidagi doston, bir qancha rivoyatlar, hadis hikmatlarida odamiylik, burch, sadoqat g'oyalari aks topgan. Shu bilan bir qatorda Imom Buxoriyning “Al-Adab al-mufrad” hadislar to'plami, Rasululloh duolarining o'zbek tilida she'riy yo'lda mohirona yaratilgani kitobxonlar ko'nglini dengiz mavjlari misol to'lqinlantira olishiga umid bildiramiz.